ازاى تكسب تقة بنت بسرعــــــــــــــــــــــــــــة الحقو اوكازيون

السلام عليكم

انا جايبلكم شوية خبرات كده

عشان الشباب يكسبوا ثقة البنات بسرعة على الشات

ياللا مش عايزين نضيع وقت

اول حاجة طبعا لازم مايكونش عندك ضمير يا صاحبى عشان تعرف تنجز

تانى حاجة بئه لازم لازم لازم ماتضيعش وقت

اول لما تتعرف على البنت تتكلم عن ظروفك الشخصية بسرعة

و اد ايه انت صبور برغم العذاب و العناء

و انك قوى و راضى و فيك كل الصفات الحلوة

لو كنت متجوز احكى عن مراتك و انها نكدية و بتبيتك كل يوم زعلان و مسودة

عليك عيشتك و انك بالرغم من كده بتحبها و بتعطف عليها و مقدر انها مريضة نفسيا !!!!!!

و لو كنت اعزب بئه عايزك تعيش يا صاحبى

عايزك بئه فى البداية توضح اوى انك رومانسى خالص

و انك كييف تسرح و بتحب البحر و النيل و الورد و الشجر و النجوم

و انك حساس اوى و بتحب تحترم مشاعر الناس اوى اوى

و انك ياما اتظلمت فى حياتك و انك عمرك ماشوفت يوم حلو

و ان حظك وحش على طول و دايما كل الناس تحب تظلمك و تيجى عليك

و انك مابتحبش تزعج حد بمشاكلك و لكنك مستريح للكلام معاها

و انك حبيت مرة واحدة بس فى حياتك

و عطيتها عنيك و قلبك و روحك وودنك

لكنها الله يسامحها - اوعى تغلط فيها خليك ذكى - فضلت عليك واحد لسه جاى من السفر

و اختارت الفلوس بدل ماتستناك عبال ماتكون نفسك

و ياريت بئة لو فالنص تحكى عن ظلم ابوك لك

و ازاى انه فضل كل خواتك عليك

و ازى انك كنت بتحبهم كلهم و هما طماعيين و بيدوسوا عليك

كده يا صاحبى البت ح تحبك على طول و الف الف مبروك مقدما

خلليها تحبك الاول اوعى تبدأ و تئول لها بحبك غير بعد ماتضمنها اوى

كل دماغها برومانسيتك و هدوءك و عقلك

و لما تحس انها مش قادرة تستغنى عنك خلاص ارمى الشبكة بئه

طبعا لما تسالك عن سبب حبك ليها انت عارف ح تئول ايه يا باشا هاااااااا

طبعا هى كلامها جميل و مرتب و ذكية و لماحة و مثقفة و مؤدبة و ملتزمة

و لو قالت لك بتحبنى ليه و انت ماتعرفش شكلى قول لها ان الشكل ده اخر حاجة يهمك

لأن الجمال الحقيقى هو جمال الروح

و ان بالرغم من ان شارون ستون جميلة لكنك مابتحبهاش و بتكرهها من كل قلبك

و انك مابتطيئش صوفى مارسو ولا نيكول كيدمان و تقبل العمى ولا تقبلش ناتاليا بورتمان

و سكارليت جونسون و كيرا نايتلى و ان جمالهم كاذب والاتحاد يا حبى يا حتة من قلبى

المهم طبعا انك تقلبها بعد شوية و تدور على واحدة تانية ,, بلاش يا صاحبى تبئى روتينى

بس اوعى ضميرك يصحى بئه

خليك حلو

بكده يبئى ضيعت وقتك و اتسليت و عشت احلى عيشة

فاضل كام سؤال يا غالى !!!!

ح تقول ايه لربنا ؟؟؟

بتعتبر نفسك راجل ؟؟؟؟

تفتكر اللى بتعمله ده ح يرجع عليك او على حد من لحمك و دمك ؟؟؟

جايز لما ارجع ان شاء الله اكمل الموضوع او اكتفى بكده

يخربيت النت و سنينه السوده

الواحد محبط و الله العظيم

حسبنا الله و نعم الوكيل

--------------------------------------------------------------------------------
الهـــــــــــــــــــــــــــــــــــــ شباب حبيبـــة ـــوارىا

ههههههههههههه والله يا بسام مو عارفه اضحك ولا ازعل بس موضوعك حلو والله هههههههههههههه بس مو اي بنت بينضحك عليها هههههههههههههه يعني اللي تصدق ان في انسان كامل تبقى هيا حره وبستاهل انه ينضحك عليها بس عنجد طول وانا بقرأ موضوعك وانا بضحك هههههههههههه